“شو حلو”

بقلم رئيسة تحرير موقع “أنا لبنان” #لينا_دياب

شو حلو تكون متل البلسم لجروحها

وتكون بحنّيتك بدل الدوا..

شو حلو تكون غامرها بكرمك

غنج ودلع ووله واهتمام وعطا..

شو حلو تكون وحدك سندها

وكلّ اللي قلبها وعقلها احتوى..

شو حلو تسمعها وتنصحها وتآزرها

وتدعمها بكلّ رجوليّة ربّك عطا..

شو حلو تلاقي إيديك دايما ممدودة لصوبها

وتعانق ضلوعها بودّ ودفا..

شو حلو من راسها لساسها تبوّس

وعمرك ما تقول إلها كفى…

شو حلو تحبها متل الطّفلة وتطمّنها لقربك

تتكون هيّ إلك ستر وغطا..