َعن جَدْ..عربي!” | لينا دياب رئيسة تحرير موقع” أنالبنان”

مبارح كان “يوم اللّغة العربيّة”..حلو هاليوم،وحلو نعطي لغتنا وحرفنا نهار . أنا من الأشخاص اللّي بحبّ العربي،وبحكي عربي،وبكتب عربي،إن كان اللغة العربيّة الفُصحى، أو اللّغة العامّيّة الدّارجة عنّا بلبنان..ولفتني إنّو كتار حِكْيوا مبارح عن الموضوع،و”غرّدوا”بالعربي،وكتبوا “ستايتوس” بالعربي ذاكرين أمجادنا وتاريخنا،وأهمّيّة تعلّقنا بالحرف وبالجُذور..

كل هيدا منيح،وصح..بس الأصح منّو كمان إنو تتذكّر أصالة إنّك تكون عربي..إنّك تكون عندك نخوِة،ووفا،وإخلاص..إنّك تكون مندفع لتساعد غيرك،وإنّك تتمسّك بتراب بلدك،وتكون حريص على أهلك وعيلتك،وعلى ولاد وطنك كمان..وهيدا للأسف اللّي ما عم لاحظو ولا عم شوفو بأكتر النّاس.

الأكتريّة عم تبيع بعضها،وعم تنسى غيرها،وماعم تعطي إهتمام لوطنها..الأغلب طِلْعوا من أصولهن ومن جذورهن،ونسيوا مع لغتهن وحرِفْهُن وأصالتها،أصالة أوطانهن ..

مهم إنّك تحكي عربي،بس الأهم إنّك تكون عن جد عربي

..

مهم